مشكلة عضوة

نبض الوطن

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات

نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

بداية المشكله

السلام عليكم

ممكن تنزل الموضوع دا اخد رأى الناس .
انا ست عندى ٣٥ سنه وعندى  اطفال كنت قاعده ايجار مع جوزى فى ٦ اكتوبر واحنا اساسا من ارياف واتنقلنا هنا من اربع سنين علشان شغله .المكان هنا احسن من الارياف لان كل واحد فى حاله لا حسد لا اشاعات ولا مشاكل كل واحد فى حاله .
المهم انا اطلقت لمشاكل كتير مع جوزى فقررت الانفصال حاليا انا محتاره .
اجر  شقه هنا اعيش فيها انا وعيالى واهلى يجولى اسبوع واسبوع يبصو عليا .
ولا ارجع اعيش بعيالى تانى فى الارياف مع ان العيشه هناك مش مريحه بالنسبه للجيران .بس هاقعد فى بيتنا بدون ايجار يعنى.
هل غلط انى اقعد مع اولادى فى شقه لوحدنا وابنى الكبير ١٢ سنه .
علما انى ماديا الحمد لله
وعلما ان اهلى قالولى اللى يريحك علشان هما عارفين انا تعبت ازاى فى جوازتى وضحيت وصبرت واتظلمت كتير فهما عاوزينى اعيش سعيده اللى فاضل من عمرى .
علما انى مش بشتغل ولا هشتغل مستوره والحمد لله .ولا هتجوز تانى ابدا ابدا.
عاوزه اعيش مرتاحه
اعيش فى مدينه كل واحد فيها فى حاله .ومحدش يعرفنى
ولا ارجع بلدى اللى عارفين قد ايه انا محترمه ومؤدبه وسيرتى طيبه فيها بس طبعا بعد الطلاق بيبقى فى البلد صعب.
الخطوه اللى هاخدها لايمكن تتغير نهائى .
وخايفه اقعد هنا الناس تقول عنى دى قادره ومش متربيه وقاعده لوحدها .
انا عاوزه اعمل الصح اللى يرضى ربنا والمجتمع مش عاوزه اكون شاذه او مرفوضه .
وشكرا مقدما لحضراتكم .