كحك العيد لاخوتنا الاقباط
الشيف. ايمان بحر
السلام عليكم من خلال وصفتنا انهارده حنقدم احلي كحك يفوق اى محلات تيجوا نشوف
المقادير
*******
١ كيلو من الدقيق متعدد الاستخدام
٥٦٠ جرام سمن بدرجه حراره المطبخ
٥٠ جرام سمسم
١/٤ ملعقه صغيره محلب
١ باكو بيكنج بودر
١/٤ ملعقه صغيره ملح
٢٠٠ ملى لبن
طريقه التحضير
*************
بسم الله اولا نقوم بنخل الدقيق فى بوله واضافه السمسم والبيكنج بودر والمحلب والملح ونخلطهم جيدا تم نضيف السمن ونفركهم بالايدى او نبسهم ثم نضيف مقدار اللبن ونعجنهم جيدا تم نترك العجينه ترتاح نصف ساعه ونقوم باعداد الحشوه
اولا حشوه العجميه
************
١/٣ كوب دقيق
ملعقه كبيره سمن
٣/٤ كوب عسل نحل
١/٤ ملعقه صغيره محلب
ملعقه كبيره سمسم
الطريقه
******
نقوم باحضار طاسه وتضيف السمن والدقيق والمحلب والسمسم ونقلبهم حتي نشم رائحه الدقيق وننزل عليهم بالعسل ونتركهم علي نار متوسطه لمده ٥ دقائق مع التقليب المستمر ونترك العجميه تبرد قبل الاستخدام ويمكن اضافه المكسرات المفضله
ثانيا العجوه
*********
فى طاسه علي النار نقوم باضافه ملعقه سمن وملعقه سمسم
١/٤ صغيره من المحلب والقرفه والقرنفل والهيل ونقلبهم دقيقه ونقوم باضافه العجوه ونقلبهم جيده لمده دقيقه اخرى وتترك حتي تبرد قبل الحشو
وهنا بقا يا احلي متابعين نقوم بتشكيل الكحك ناخذ قطعه عجينه قد حبه الجوز ونقوم بحشوها ونكورها ونضعها فى صنيه بدون دهن ونشكلها بالبصامه الخاصه بالكحك ممكن نعمل الكحك ساده طبعا بعد الانتهاء من تشكيل كل المقدار تخبز فى فرن مسخن مسبقا علي درجه حراره ٢٠٠ الرف الاوسط وتترك حتى تبرد وتزين بالسكر البودره او حسب الرغبه وصحه
