فراخ مشويه ورز بالكاري وسلطة زبادي
إيناس عادل
طريقة الفراخ بنجيب كوب زبادي وفصين توم ملح فلفل اسمر حبهان مطحون روبع معلقه صغيره جنزبيل بصلة وطمطايه مضروبين في الخلاط معا قالب مرقة دجاج قرن فلفل رومي او حار جزرايه كله ده مضروب كويس في الكبه وننزل على الفراخ تتبل مش اقل من 6ساعات لو اكتر يبقا تمام نحطها في صينيه على حامل الدجاجه الاستانلس وتحتها 2كوب مايه مغليه وفي المايه ورق لورا وحبهان وفلفل اسمر تحمر نشيلها ونحط فحمه على البوتجاز ونحط الفراخ في صنيه وقطعة فويل صغيره ونحط الفحمه ونقطة زيت ونغطي الصينيه بتدي ريحة الشوي
طريقة الروز بننقع الكميه المطلوبه روبع ساعه بعد غسيله جيدا ونحط في الحله شوية زيت وملعقة سمنه وبصلايه مفرومه يادوبك تصفر نحط معلقتين كبيره كاري ومرقة دجاج وروبع معلقه صغيره فلفل اسمر ونص معلقه صغيره كركم
ونحط الروز ونغطيه بالمايه السخنه اول مايتشرب نوطي النار جدا
طريقة سلطة الزبادي بنحط علبة زبادي كبيره وفص توم مفروم وملح حسب الرغبه رشة فلفل اسمر اقل من روبع معلقه صغيره كمون نقطتين خل نص ليمونه نعناع ناشف نفركه عليها وخياره صغيره تقطع بالطول 4 قطع وتقسم شرايح رفيعه وبألف هنا
