وماذا بعد رحيل الخطيب؟؟؟؟!!
بقلم دكتور/ياسر جلال زاهر
ظهرالكثير من ردود الأفعال بعد رغبه الكابتن الخطيب الابتعاد عن منصبه كرئيس للنادي الاهلي ؛فرفض تيار القرار واعتبره أنصار هذا الرأي تخلي عن المسؤوليه ولابد من استكمال المسيره الناجحه ،وذهب فريق آخر أن النادي الاهلي غني بابنائه المخلصين والاهلي قادر علي استكمال المسيره كما فعل بعد رحيل صالح سليم وابتعاد حسن حمدي وان الكوادر القياديه موجوده ،في حين أخذ تيار ثالث منحي السخريه والاستهزاء حتي أن البعض شبه ذلك بقرار الرئيس عبدالناصر بالتنحي عن الحكم ،ولم يع هؤلاء المتفزلكين أن عبدالناصر تنحي بعد نكسه يونيو 67ولكن الخطيب سوف يتنحي بعد اي نكسه ؟؟للاسف الشديد وصلنا الي مرحله من انعدام الاخلاق أو ضعف القيم والمبادئ الأخلاقية التي توجه سلوك الأفراد والمجتمعات،كل ما أود أقوله أن الاهلي غني بأبنائه .
رساله الي الكابتن حسام غالي ،ماذا قدمت للأهلي وبالفعل الكابتن الخطيب أخطأ عندما ضمك لقائمته ،واود أن أذكر حسام غالي اللي وقت احترافه عرض عليه الاهلي انه يرجع تاني رده كان انا( طلعت فوق ومينفعش انزل) وسبحان الله بعدها يمشي من توتنهام والجمهور يغضب عليه بسبب رمي التيشرت
2010 يرجع تاني حسام غالي بعد رحله احتراف فاااااشله
ويرجع معاها الخناقات والمشاكل وقتها
مانويل جوزيه طالب برحيله بس الاداره وقفت في صف اللاعب وقتها وده كان سبب من اسباب ان جوزيه يمشي
2010 يخرج حسام غالي ويروح بلجيكا ويقول بالنص ( مستقبل ولادي اهم من الاهلي ) على اساس في الاهلي كان بياخد ملاليم!!!!
خناقاته دايمه مع الجمهور زي تدريب مدينه نصر الجمهور وقتها طلع هاجم لعيبه كتير هو الوحيد اللي رد عليهم
ده غير خناقات ومع اللعيبه والمدربين ومشكلته مع وائل جمعه وسبب انه يمشي
حتى حسام البدري برده طالب برحيله….. بس الاداره بتعمل نفس الغلط وتقف في صف اللاعب!!!!
حسام غالي دايما مصلحجي عمري ما شفته بيحب الاهلي هو بيحب نفسه وبس ومواقفه اتجاه الاهلي تشهد عليه
رساله الي اسامه نبيه
كيف يتم اختيار اللاعبين لمنتخب الشباب؟؟؟؟؟
اللاعب
كريم احمد
عنده 18 سنة و بيلعب في ليفربول مع فرق الشباب واتمرن مع الفريق الاول ، مع ايزاك و شله النجوم الكبيره دي !
تخيل معايا بقي ان كاس العالم للشباب هيبدا كمان اسبوعين و اسامه نبيه مدرب منتخب مصر استبعد كريم احمد من قائمه المنتخب !
مش بس كدة ، ده كمان استبعد عمر عبد المجيد المحترف في هامبورج و كامرون اسماعيل المحترف في ارسنال و رضوان حمزاوي المحترف في اوكسير و اخد مكانهم لاعب زي عمرو خالد بيبو اللي مبيدخلش قائمه فريقه في سويسرا !
اللعيبه دي لما هتتهمش بالشكل ده هيختاروا في النهايه يلعبوا لمنتخبات تانيه لانهم معاهم جنسيه المنتخبات دي و ساعتها احنا اللي هنندم و هنخسر كتير حقيقي !
اتمني أن نري الرياضه المصريه في حال افضل والبعد عن المصالح والصداقه والشلليه.
