الوصايا العشرة لست البيت
شهد ياسر رفاعى
- لو شرابات جوزك البيضاء لونها اتغير قبل ما تغسليها انقعيها فى ميه دافيه جواها شرائح من الليمون.
-
لو سجادتك او قماش الانتريه بتاعك اتبقع اوعى تدعكيه لكن اضغطى على البقعه بمناديل ورق هتطلع فيها.. البقعه هتكبر و تكبر لو دعكتيها.
-
لو بتفرمى اللحمه فى البيت بعد ما تخلصى افرمى فى المفرمه حته عيش ناشفه هتنضف و مش هتسيب اثر لريجه اللحمه.
-
لو عندك دهون في البوتجاز صعبة هاتى ماية دافية و نقطتين سائل تنضيف الصحون و 3 معالق كبيرة خل و ادعكى الدهون هتختفى.
5.و انتى بتقللى السمك حطى رشه فانيليا بسيطه مش هيبقى فى ريحه.
- لو التلاجه فيها بارومه او صدأ املى الفراغات بالكوريكتور او مونيكير لون التلاجه.
-
لو حطيتي كوبايتن جوا بعض و معرفتيش تخرجيهم حطي الكوباية الي تحت في مية سخنه و صبي في اللي فوق مايه ساقعة هينفصلوا.
8.لو جبتي جزمة جديدة و لاقيتيها ( بتزقزق) هاتي زيت و دفيه و هاتي قماشة و ادهني النعل و الجناب بيه .. والصوت هيختفى تماماً.
9.حطي في ملاحة الطعام .. كام حباية رز عشان الملح ميتجمدش منك.
10.. لو بتستعملى شموع في بيتك وعايزاها تعيش و تقعد فترة طويله و متخلصش بسرعة حطيها قبل الاستخدام بفترة في الفريز.
