محمد أنور: “سمكري البني آدمين” طرقع 5 قدامي فطمن قلبي

هند محمد

 

 

 

روى الفنان محمد أنور تجربته مع المعالج المعروف بـ “سمكري البني آدمين”، وسبب اطمئنانه لأسلوبه في العلاج.

وخلال مداخلة هاتفية مع الإعلامي عمرو أديب في برنامج “الحكاية” على قناة MBC مصر، قال محمد أنور: “الموضوع باختصار إنه وصل لحد من أصدقائنا، وقال له أنا عايز آجي يطرقعني. دخلت شفت فيديوهات، أنا بصراحة خفت جدا، حتى الفيديوهات اللي هو نفسه منزلها مرعبة جدا، الناس بتصوت وبتلطم وتطرقع وتطأطأ، وأنا أصلا من صغري بخاف أطرقع صوابعي. ليه أطرقع ظهري، فقلت لأ.”

وأضاف: “يومها جالنا المكتب اللي إحنا فيه، وطرقع قدامي 5 أو 6 من صحابي عشان يطمن قلبي، حسيت طب منطرقع إيه المشكلة.”

وردا على سؤال عن شعوره بأي آلام بعد تلك التجربة، قال: “محصلش حاجة خالص بعد الموضوع ده، الموضوع بقاله فترة كبيرة، بس أنا لما عرفت إن الموضوع فيه مشكلة حاسس بوجع من الخوف.”