قعده اصحاب ٢
ماجده حسين
احمد انا نزله رايحه عند سماح صحبتي
طيب ماشي بس متتاخريش علشان الولاد
حاضر ماشي يا حبيبي
ترن ترن
اهلا وسهلا يا جوجو نورتي يا قلبي
عامله ايه ياموحه وحشاني جدا والف سلامه عليكي يا قلبي
اتفضلي يا قلبي تعالي مافيش حد غير سعاد واسماء
ازيكم عاملين ايه
الحمد لله يا جوجو انتي اخبارك ايه
الحمد لله ياسمسمه
يعني اهو بتخرجي ياست جوجو امال ليه مجتيش عندي
معلشي يا سعاد اعذرني كان عندي ظروف
ظروف ايه انتي عندك ناس وناس ياستي وانا من حقي ازعل
موحه لا ياسعاد التمسي ليها العذر
ايوه ماانتم علشان رايحين جاين علي بعض ياستي لازم تقولي كدا
أسماء لا يا سعاد مينفعش كدا
جوجو بس يجماعه هي لو مقلتش كدا مش هتبقي سعاد ماهي لازم تعاتب علي اي حاجه
طب وانا ليه مش بعتب عليكي لما ابعتلك واتس والقي الواتس منور عندك ومفتوح وانتي مش بتردي عليا لما اكلمك
انا علي فكره بيحصل عندي مناسبات كتير وعمري ما بعتب علي حد لو مجاش لاني معرفش ظروف الناس ايه
موحه بقولكم ايه انتي وهي وهو انتم جاين عندي تتعاتبو ممكن نغير الموضوع
اسماء اه احسن بقولك ايه يا موحه ايه الريحه الحلوه دي
موحه ههههههههه شكلك جايه علي طمع ياسمسمه
جوجو ههههههههه حبيبي الشيف ادهم اصغر شيف انا قولت ليه عوزه ادوق ياعم الاكل اللي بتعملو علي القناه بتاعتك
سعاد ههههههههه انا بصراحه بحمد ربنا اني جمب سماح ودوما حببي كل شويه يدوقني عمايله الجميله
جوجو بصراحه يا موحه انا لو عليا اديكي بجد جايزه الام المثاليه
موحه ماتحرمش منك يا جوجو ديما مشجعاني
جوجو لا بجد مش مجامله انابشوفك بتعاملي اولادك بطريقه جميله ماشاءالله بتعرفي مواهبهم وبتحولي تنميها وده مش سهل بتتعبي جامد معاهم ربنا يفرحك بيهم يارب يا قلبي
سلامو عليكم ازيك يا طنط جوجو
اهلا يادوما يا حبيبي قولي بقي ايه الروايح الحلوه دي
تعالو اتفضلو السفره جاهزه وشوفو بنفسكم
سعاد واووووو يجمالو دا انت مظبتهم النهارده
جوجو ماشاءالله بس انت كدا بوظت الميزانيه لماما ههههههههه
موحه بالف هنا ياقلبي دانا مصدقت نتجمع
أسماء ايدك يا سعاد انتي هتخلصي علي الجلاش ولا ايه
ههههههههه ايه ياسمسمه انتي قاعده مرقباني ولا ايه ماانتي نزله علي المكرونه بالبشاميل ايه
سمسمه بصراحه ادهم مظبط الاكل تسلم ايده
جوجو فعلا الاكل تحفه يا دومه والفراخ مقرمشه ولا كنتاكي بجد برافو عليك
شكرا شكرا بس عاوز بقي الكلام ده يتقال في التعليقات بقي
ههههههههه طبعا ياشيف امال ايه
جوجو ياه احنا كلنا جامد اوي تسلم ايدك
سعاد انا مش قادره اقوم بسرعه اعملو شاي خلوني افوق احسن كلت وحاسه اني عوزه انام من كتر الاكل
اسماء ههههههههه ماانتي طفسه شويه وهتكلينا
سعاد الله اكبر هو انا ياختي كلت اكلك وبعدين اعمل ايه من حلاوه الاكل
موحه احنا قريب هنكتبك علي البطاقه ياسعاد
ههههههههه ههههههههه ههههههههه
سعاد ماشي عجبتك ياختي انتي وهي
جوجو عندك نعناع ياموحه
موحه اه طبعا وصابح اهو من الزرع بتاعي في البلاكونه
جوجو ميه ميه احلي كوبايه شاي بنعناع
سعاد معلشي يا جوجو كنت متغاظه اول لما شفتك داخله عند موحه وانا مش جيتي عندي
ولا يهمك ياسعاد احنا اخوات بس كلنا بيحصل عندنا ظروف ولازم نلتمس لبعض الأعذار
موحه انتي بتشمري كمك ليه ياسعاد انا حالفه ماتعملي حاجه انابقيت كويسه
سعاد لا والله ابدا لازم اروق المطبخ مش كفايه تعبنا الشيف ادهم اسماء وانا جايه معاكي
موحه والله انتم بتهرجو بقولك اقعدي انتي وهي
سعاد بس اقعدي ياختي هو احنا غرب ولا ايه
جوجو طب اساعدكم في حاجه
لا خليكي مش مستهله
جوجو طب الحمد الله ههههههههه انا غسله مواعين اد كده قبل ما انزل
هاتي ياموحه العصير وتعالي ننم شويه علي مايخلصوه ترويق انتي وحشاني اوي
اسماء ايوه ياختي اشربي العصير واهربي ههههههههه
جوجو الله ما المطبخ ضيق مش هياخدنا احنا التلاته
ههههههههه
موحه والله فرحانه اوي بلمتنا مع بعض
جوجو ربنا يدمها علينا نعمه هو في احلي من قعده الصحاب
موحه يارب
سعاد الحمد لله اهو ياست موحه اي خدمه المطبخ زي الفل اهو
موحه تسلم ايدكم مكنتش عوزه اتعبكم والله
أسماء ولا تعب ولاحاجه هو احنا في بينا الكلام ده
موحه طب يلا اشربوا العصير بقي
جوجو اخبار حماتك ايه يا سعاد اتصالحتي معاها ولا لسه
ايوه يا جوجو ربنا يهديها هي بتقوم مره واحده وبعدين جوزي بيحايل فيها ونرجع تاني هنعمل ايه ما الستات الكبيره كده لازم نستحملها علشان لما نكبر نلاقي اللي يستحملنا ماهو كله سلف ودين
جوجو فعلا عندك حق كله سلف ودين لازم نعمل الخير علشان يقعد لينا في اولادنا
أسماء ياه الوقت خدنا في الكلام انا هنزل بقي
سعاد استني وانا كمان اتاخرت
جوجو خدوني معاكم اهو نتمشي شويه مع بعض
موحه ايه يجماعه خليكم معانا شويه
جوجو اكتر من كدا هنبات ولا ايه يلاه سلام يا قلبي وشكرا على الاكل الجميل يا شيف ادهم
احنا قاعدنا كتير ياموحه
