حمدي حفني: إفيه عايزك تجشعني مع محمد سعد علم مع الناس
محمد طه
حمدي حفني ممثل مصري خريج المعهد العالي للفنون المسرحية بدأ مشواره الفني عام 1988. قدم عدة أعمال فنية متعددة منها يوم من الأيام كما شارك في فيلم كتكوت وأمل فاتن حربي وضيف شرف في مسلسل توبة بطولة الفنان عمرو سعد
وجاء نص الحوار كالتالي:
ما هي أعمال حضرتك القادمة.؟
بنجهز لعرض مسرحي صيفي كوميدي في الفترة المقبلة مكتوبة كويس ودوري فيها ان شاء الله يبقي كويس ويعجب الناس
آخر أعمال حضرتك الفنية؟
طلعت ضيف شرف في مسلسل الفنان عمرو سعد مسلسل توبة وكمان شاركت في العمل الجميل امل فاتن حربي مع النجمة نيللي كريم وشريف سلامة المسلسل اللي حقق بفضل الله نجاحات كبيرة جدا في رمضان ٢٠٢٣
عمل فني لحضرتك بتحب تتفرج عليه؟
كل عمل فني شاركت فيه بحبه جدا لأن مفيش ممثل هيقدم عمل فني هو مش راضي عنه
أكتر إفيه أو جملة حضرتك قولتها مسمعة مع الجمهور في الشارع ؟
طبعا بلا شك إفيه يلا شجعني إيه رأيك في السويد المشهد اللي جمعني مع محمد سعد في فيلم كتكوت
شخصية فنية قدمتها وكانت قريبة من حضرتك علي أرض الواقع..؟
بيجيلي الورق بقرأه بشوف ايه المطلوب وبعمله سواء كان تراجيدي أو كوميدي معنديش مشكلة
في الوقت الحالي العمل المسرحي بيتهرب منه فنانين ونجوم كبار؟
لأن المسرح إلتزام ومحتاج جهد وشغل كبير واتصال مباشر مع الجمهور
