محمد محسن يكتب… من النشوه الي الاعتماديه

اول مره ..اقابل فلان
اول مره .. اروح المكان ده
اول مره .. اكل الاكله دي
اول مره .
كل حاجه في حايتنا ليها اول مره ولكن مش كل التجارب بعد اول مره عواقبها بتبقي جيده ..
تعالو نشوف اول مره من واقع الحياة ممكن تعمل ايه ..
كانت قاعدة صحاب حلوه ضحك اغاني شوية حلويات وبكره اجازه والدنيا جميله

الباب يخبط يدخل واحد صديق واحد من الشله يسلم ويقعد معانا نتعرف عليه مره واحده يطرح سؤال عارفين القاعده دي ناقصها ايه ؟
ويستني الرد كانت الاجابات بتدور جوا دماغنا اكيد اكله حلوه اكيد بيتكلم عن بنات عن خروجه لكن الاجابه كانت مختلفه

انتو عارفين القاعده دي محتاجه حاجه تخرجنا من العالم ده حاجه كده تنقلنا لعالم تاني وبعد التشويق في الكلام كلنا ردينا في وقت واحد ايه هي وكانت الاجابه انه طلع من جيبه
مخدرات وقال هو ده الحل هي دي الة الزمن اعترضنا في الاول ولكن بدء صديقنا اللي جايبه يقول عادي يا جماعه مره واحده مش هتضر الناس كلها بتشرب وانا بشرب من وقت للتاني بس مكنتش قايل وانا اهو كويس وطبعا واختصارا للوقت بدئنا نجرب وكانت اول مره حاجه غريبه فعلا شعور مختلف مش عارفين نستوعبه

وروحنا لبيوتنا وبعد كام يوم اتقابلنا تاني وجبنا سيرة الي حصل وكل واحد قال عن تأثير المخدرات عليه ومره واحده قولنا لصاحبنا متكلم صاحبك يجي يقعد معانا وهنا بدئت الخطوره بقينا نعمل قاعده بشكل اسبوعي وبعد كده بدئنا ندور علي مصادر نشترى منها المخدر

وتتوالي الاحداث والايام والشهور وبعد ما كانت قعده في الاسبوع بقت كل تلات ايام وبعد كده بقت كل يوم وبدئنا ننقسم كل اتنين مع بعض اللي فاضي يكلم التاني وبعدها بقي كل واحد مع نفسه يشوف مصادره ويشتري وبدئت تظهر المشاكل اهمال في العمل مفيش فلوس دايما خلاص محدش عارف يتحرك ولا يعمل حاجه في يومه من غير ما يتعاطي
بعدنا عن اهلنا بقت كل حايتنا بتدور حول المخدرات حتي اننا بقينا نقيم الفلوس اللي معانا بتمن الكميه اللي هنشتريها

وهنا .. اكتشفنا اننا دخلنا في دوامه صعب الخروج منها
اختفت النشوه واصبحت المخدرات هي وقود الحياة
واصبحت حايتنا خارجه عن السيطره فلا نستطيع التحرك او حتي دخول الحمام الا بعد اخذ جرعة المخدر اهملنا كل شيئ حتي انفسنا لم نعد نهتم حتي بمظهرنا وتوالت الخسائر من فقدان العمل الي فقدان الي الاسره والاصدقاء حتي اصبحنا لانعرف من نحن