صالح الحميرى يكتب … الفخاخ النفسيه.. الجزء الاول

هى عبارة عن طرق تفكير واعى أو غير واعى بينتج عنها مواقف فى منتهى الخطورة واللى ممكن تسبب انتكاتسة للمدمن المتعافى .

الفخ (1) الشك

مع أنه تعافى لسه بيشكوا فيه محتاج يعرف ان الحياه عمرها ما هتبقى حلوة ولا وحشة دايما وان التعرض لظلم فى فترة التعافى فاتورة ..

الفخ (2) دور الضحية

بيشوف كل الناس ظلماه وجايه عليه وفى الحقيقة هو ضحية نفسه مش حد تانى

post

الفخ (3) أنا مريض مختلف

شايف أنه عنده إرادة وعارف مشكلته وقادر يتعامل معاها ومش محتاج يكمل برنامج ولا محتاج لتدخل حد وفى الحقيقة هو محتاج يفهم أن الادمان مرض مزمن زى السكر والضغط  مينفعش لما حد منهم يحس أنه كويس يبطل علاج من دماغه والا هينتكس برضو

الفخ (4) خدعة الاستعجال

شايف أنه اخيرا تعافى ولازم يحل مشاكله كلها اللى سببها فى فترة التعافى ولما يلاقى نفسه مش قادر طبعا هياخد المخدر اللى كان بيساعده ، محتاج يفهم أن الاستعجال آفه ومرض زى الادمان محتاج علاج ..

الفخ (5) الإهمال

بيقول انا بتجيلى افكار بس بتختفى لوحدها ، اية لازمتها افضحها ، بتروح وتيجى لوحدها  الانتكاس بيبقى تراكمى ، يعنى ببنى فيه بشكل بسيط وتدريجى ، لو سمحت لنفسى انى معلش اللى اتعلمته دا معناه أن صوت مرضى وقعنى فى الفخ واللى بنيته هياخد فوق دماغى ..

الفخ (6) اختبار نفسى

بيشوف أنه قدر يحقق تعافى كويس ، وأنجز فى العلاج بشكل كبير ودلوقتى قادر يتحكم فيها ويواجها من غير ما ينتكس ، زمان لما كان بيقعد مع صحابه مكنش بيتعاطى دلوقتى بعد التعافى هيقدر يختبر قوتة

فى الحاله دى رغبتى فى المواجهه زى النملة اللى بتواجه فيل ابعد عنها بأى شكل عشان تحافظ على التعافى .

الفخ (7) الاختباء فى عباءة الدين

بيشوف أن البرنامج مبيساعدش أساسا لأنو لما التزم بالدين قدر يتعافى ، والحل فى التوبة عشان دا غضب محتاج يفهم أن مرضه مزمن ، وان مرضى السكر والضغط لو صلوا وقربوا من ربنا مشكلتهم مش هتتحل ومش هيقدروا يعيشوا كويس .
المرض محتاج لعلاج ،، والصلاح محتاج للدين ..

الفخ (8) استبدال مخدر بآخر

شايف أن المادة اللى كان بياخدها خسرته ،. ف هياخد مادة اقل يعرف يسيطر عليها عشان بس يوصل للاحساس الحلو لأن فى ناس بتاخدها ومحصلهاش حاجة ولا راحت أماكن علاجية ،

محتاج يفهم أنه لما يستبدل مادة بالتانية هترجعه وأنه يوم ما بيبطل تعاطى بيبنى شخصية جديدة خالية من اى مواد ادمانية

الفخ (9) النصيحة

قدرت احقق إنجازات كتير فى التعافى وعاوز انجازاتى توصل لصحابى اللى كانوا معايا فى الادمان ، ويعيشوا اللى انا عايشه ، هكلمهم واقنعهم واقولهم على الطريقة والأدوية ، من اهم مبادئ التعافى الأنانية فى التعافى ، هتعامل مع التعافى كإنه ابنى وبالتالى ليمكن أتنازل عنه لأى شخص

الفخ (10) المناسبات

بيشوف أن فرحة المناسبات بتبقى بزيادة لما بيتعاطى ، وكدا كدا دى مرة كل فترة ومش كل يوم يعنى ، ف عادى لما يتعاطى فى المناسبات .

وفى الحقيقة هو ممكن المتعاطى يتحول لمدمن ، لكن مش ممكن المدمن يتحول لمتعاطى .

طب ازاى اتعامل مع الفخاخ دى ؟

– الدعاء
– المشاركة
– الملاحظة والمراقبة
– الاستبصار والتعلم
– عمل سجل الرغبة الملحة فى التعاطى
– الأمانة والالتزام بالبرنامج،..

زر الذهاب إلى الأعلى