“ضحكنا الناس نخوفهم بقا” أحمد طنطاوي يكشف عن مفاجأت كثيره لبرنامج”مين حيضحك الأول”
نوران محمد
أحمد طنطاوي، ممثل تليفزيوني سينمائي مصري، خريج من جامعة القاهرة كلية تجارة، تدرب علي مسرح الكلية، قام بتقديم العديد من المسلسلات،
المسرحيات و الإعلانات.
يشارك الفنان “أحمد طنطاوي” في السباق الرمضاني من خلال مسلسل “وجوه” و برنامج”مين حيضحك الأول”مع الفنان “محمد السعدني”
صرح الفنان “أحمد طنطاوي” أن جاءت فكره البرنامج عن طريق الصدفة و قال: “كنا بنهزر كالعاده مع بعض انا و السعدني، بس المره دي قررنا نعرض هزارنا علي الناس، و لقينا تفاعل كتير من الناس علي أول فيديو، و فرحنا بالتفاعل و قررنا نفرح الناس و نعمل فيديوهات من دي كتير، و احنا بنحضر الفيديوهات جالنا اتصال من الأستاذ” طارق نور”بيقول ان عجبته فكره الفيديوهات و حابب يعمله برنامج علي قناة القاهرة و الناس”
أكد الفنان”أحمد طنطاوي”عن وجود العديد من المفاجأت في البرنامج، و ذلك كان رده علي سؤال هل سيتم تصوير باقي الحلقات داخل السيارة؟
ذكر أنه و السعدني يحبوا التقديم من السيارة لأنها أكتر طبيعة من فكره عرض البرنامج عن طريق استوديو، و قال: “العربية واخده طابع الطبيعة زي اي اتنين صحاب بيهزروا لكن الاستوديو موضوع لازم نحضرله عكس السيارة بنقول كل حاجة علي الهوا و ببقي مش عارف” سعدني” هيقول اي و لا” سعدني” يعرف انا هقول اي”
صرح الفنان “أحمد طنطاوي” أنه بالاتفاق مع “السعدني” يستعدوا لتغير مجري البرنامج من الضحك و الهزار إلي الرعب و قال: “بنفكر نتجه للرعب شوية و السعدني بيكتب حاجه في الاتجاه ده، ضحكنا الناس نخوفهم بقا”
و استكمل حديثه قائلا: “في اتجاه تاني بنفكر فيه عاوزين نكمل موضوع مين حيضحك الاول بس يكون بتفاعل أكتر مع الناس، مش بس بيني و بين السعدني، بس احنا لسه قي مرحلة التحضير لأكتر من حاجه و مش عارفين هنبدأ بإيه”
كما انه صرح أن من المحتمل عرض جزء تاني من برنامج “مين حيضحك الأول ”
يشارك الفنان “أحمد طنطاوي” في مسلسل”وجوه” مع الفنانة “حنان مطاوع” و يجسد شخصية دور وكيل نيابة و لم يصرح بإي تفاصيل و ذلك لعدم حرق أحداث المسلسل، و لكنه أشاد بحبه الشديد لكرو العمل
أعرب الفنان”أحمد طنطاوي “بحبه الشديد للمخرج” أحمد حسن” و قال: ” وافقت علي المسلسل عشان مع المخرج أحمد حسن عشان بحب شغله جدا و بتعلم منه كتير” و الجدير بالذكر انه عمل معه مسلسل”الحرير المخملي”
قام بالتمثيل علي العديد من المسارح منها للهواه و المتحرفين، و منهم”رواية فتافيت الماس،كاليجولا،لخن الوداع،الحلاج،بخ،المقام،حفلة للمجانين، رحلة حنضل و قاعد ولا ماشي” و غيرهم الكثير، و قال “طنطاوي” عن المسرح: “المسرح عالم تاني، و كل دور عملته ليه متعه” و أشاد بحبه لمسرحية”عن رواية فتافيت الماس”و ذلك لتجسيده 5 شخصيات أثناء المسرحية
يتمني الفنان”طنطاوي “العمل مع” الدكتور يحيي الفخراني و أحمد حلمي” و لم يطمح في تقديم شخصية معينه خلال أعماله القادمة و لكنه يتمني تجسيد حالة يعيش بها و يمثلها
