الفنان شريف صبحي”قيمة الفنان في أعماله و البصمة اللي بيسبها للمشاهد”
نوران محمد
شريف صبحي” لو عاوز انجح في الشغلانة دي يبقى عشان اسيب قدوة كويسه للشباب اللي زي ابني”
شريف صبحي، ممثل مصري، خريج كلية تجارة جامعه عين شمس، متزوج و لديه ابن يبلغ من العمر 15 ربيعًا،اتجه إلي الإعلانات و الكليبات ثم التمثيل
ذكر الفنان”شريف صبحي” انه يحب التمثيل منذ الصغر و لكنه لم يفكر في العمل به و قال: “و انا عندي 18 سنه إتعرض عليا إني إشتغل موديل في عروض الازياء ثم اتجهت للإعلانات و الفيديو كليب و حبيت الفكره من هنا و بدأت اشتغل علي نفسي و أخذت ورش تمثيل”
و أكد ان الشغل في الميديا لم يؤثر علي دراسته في الكلية و قال: “بدأت حياتي العمليه وانا عندي 18 سنه مع والدي بجانب دراستي عشان كان لازم انجح و اثبت نفسي و اعتمد علي نفسي بشكل أكتر و اكون مسئول من نفسي ”
شارك الفنان “شريف صبحي” في برنامج”مقلب دوت كوم” مع الفنان “أشرف عبدالباقي” و كان هو مذيع الحلقة و شريف و زملائه يجسدوا المقلب
عرف الجمهور الفنان”شريف صبحي” من خلال مشاركته في فيلم”شيكامارا” مع الفنانه”مي عز الدين ” و قال: ” مي صحبتي من زمان و الفضل يرجعلها اني اشتغل قي الفيلم و أستاذ” ماجد كدواني” كان بينصحني و يساعدني كتير
و استكمل: “لحد دلوقتي انا مش عارف انا هنجح او لأ دي حاجة بتاعة ربنا بس انا بحب التمثيل وعلى قد ما اقدر هشتغل على نفسي ومش حابب اكون ممثل عشان ابقي شخص معروف او مشهور او فلوس اكيد دي طبعا حاجات مهمة لأي حد
بس مش هي أول اهتماماتي.. انا نفسي انجح عشان اغير في عقول الناس والاخلاق و الأصول اللي اتربينا عليها اللي للأسف بتتمحي واحدة واحدة دلوقتي و مش عارف السبب فين
و نفسي فعلا اقدر اسيب بصمه كويسة عشان انا متاكد ان الدراما تاريخ”
يتمني الفنان”شريف صبحي”ان يقدم ادوار مختلفة تترك أثر في عقول و شخصيات الناس و تعلي من قيمة الشخص أخلاقيًا، يتمني يوصل ده للناس عن طريق التمثيل و الدراما، يتمني ان يقدم شخصية مركبة و يعمل فيها علي نفسه و يقدم أفضل ما لديه
و تحدث عن مشاركته في مسلسل “طرف تالت”:
” انا في الوقت دا كنت بصور مسلسل”شارع عبدالعزيز الجزء الأول”، اخراج أستاذ”أحمد يسري” و رشحني للدور الفنان” أمير كراره” بعد مشاهدته مسلسل” شارع عبدالعزيز ” و قال: “مش هقدر اتكلم عن” أمير كراره” لان شهادتي فيه هتكون مجروحة لانه صديق شخصي من زمان جدًا و مش هتكلم عن جدعنته و رجولته، عشان هو معروف عنه ده مع الناس كلها مش مع صحابه بس
بالرغم من صغر دوري في مسلسل”سجن النسا” و لكن اكيد الاشتراك في عمل إخراج الاستاذه “كامله ابو ذكري” يعتبر اضافه مهمه لمشواري الفني
عمل الفنان”شريف صبحي” مع الفنان”خالد الصاوي”
في العديد من مسلسلاته مثل”تفاحة آدم و على كف عفريت”
و قال: “خالد الصاوي ممثل من العيار الثقيل وموهبه منفرده ومبتتكررش كتير وأكيد كنت سعيد الحظ إني أقف قدامه في بدايه مشواري واتمنى العمل معاه مره اخرى
وقد شارك في مسلسل” ولاد ناس” رمضان ٢٠٢١ و هو من الخطوات المهمة في حياته المهنية لاهمية القضية التي طرحها المسلسل التي سلطت الضوء على أهمية دور الاسرة و خاصة الأب في حياة الأبناء
عمل الفنان”شريف صبحي”الكثير من المسلسلات و قال: “كل مسلسل نقلة مختلفة في حياتي، بس اللي قدمني أكتر للناس هو ابو العروسة”
شارك الفنان”شريف صبحي” مؤخرًا في مسلسل” أبو العروسة ” الجزء التالت و قال: ” كان ليا الشرف اني اشتغلت في مسلسل ابو العروسه لانه فعلا مسلسل هادف ومحترم وفكرنا بمسلسلات الزمن الجميل ويعتبر المسلسل نقله كبيره في حياتي والفضل يرجع للمنتج الاستاذ إبراهيم حموده ومؤلف ومخرج العمل الأستاذ هاني كمال ده طبعا بجانب
ان الشخصيه كانت مركبه ففي الجزء الأول كان بيظهر وليد بشكل عدواني جدا لدرجه اني كنت بشوف كره ولوم الناس في الشارع ولكن في الجزء التاني شفناه بشكل مختلف بسبب الظروف التي مر بها و الحمدلله قدرت اغير وجهة نظر الناس في الشخصية
يحضر الفنان”شريف صبحي” مسلسل جديد لبعد رمضان و لكنه لم يقول اي تفاصيل عن المسلسل لحين بدأ التصوير و الترويج له
