توت توت

محمد حسنين

توت توت

ياقطر الموت

زمر لما تفوت

خلي الموت

مره يعدي

وبالهنا سقوط

وانت معدي

ياقطر الموت

علي بلدي

واقفين نستني

معاد الموت

وبنزعل لما يفوت

وكام مزلقان

موت عرسان

وبرضه في بلدنا

عريس مات غرقان

فين التحويلة

فين السنافور

فالقطر العمر يفوت

وبين اهلك برضك ح تموت

عمرك بالشجره مربوط

نزلت ورقه ورقة توت

عمر القطر ماعجل عمر

إلا أن ربك رايد بالأمر

يبقي مابينا وف

لحظه تلقي سكوت

نايم ماشي ف شغله

أبدا مش مخلوط

انت براءه ياقطر الموت

كله بساعته واجله

ربك عنده معاد مظبوط

يلا ياقطر فوت وعدي روحنا

يلا ياقطر فوت ودينا لمصالحنا

لازم نفهم أن القطر

زيه زي وباء محطوط

او إعصار م السما بيشوط

الرحمه ياربي وجنه بعد الموت

قدرا قدرا شكرا قطر الموت

ويا الشهدا مربوط بخيوط