تعملي أيه لو مكان صاحبة المشكلة

مها فتحي

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات

نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

بداية المشكلة

انا عندي ٢٧ سنه متزوجه من ٥ سنين عندي طفل واحد جوزي بيسافر الخارج وينزل اجازه وقت إجازته بكتشف انه كان بيخوني وانا جنبه بيخوني كتيير وكل مره كنت اسامحه ويرجع يغلط واسامحه بالرغم من اننا اتجوزنا عن حب وانا على قدر متوسط من الجمال ومستحملته بكل ظروفه ومتجوزه فبيت عيله المهم اني عملت فيس واتعرفت علس شاب لهو يعرفني ولا انا اعرفه واتكلمنا مع بعض وارتحنا لبعض لدرجه بقينا قريبين من بعض جدا وكنت اشكيله همي وهو كمان يشكيلي همه وهو متجوز وعنده اولاد وعدت الايام واتعلقنا ببعض اكتر وكان كلامنا فقمة الاحترام والادب مع بعض واعترفلي انه بيحبني وانا منكرش حسيت معاه بالحب والثقه والأمان والاحتواء اللي كنت مفتقداهم مع جوزي وفضلنا مع بعض نتكلم كل يوم …. واكتشفت بالصدفه انه صاحب جوزي المقرب جدا جدا وجيت قولته انا ابقى مرات صاحبك هو انهار زيي ومبقاش عارف يعمل ايه وهو دلوقتي طالب مني ابعد عنه لانه ميقدرش يخون صاحبه وفنفس الوقت مش قادر يبعد عني لانه تعلق بيا وحبني اوي وانا كمان مش قادره ابعد عنه لاني حبيته واتعلقت بيه اوي اوي وانا دلوقتي محتاره مش عارفه اعمل ايه بين حبي وتعلقي بيه ومبين جوزي اللي ده يبقى صاحبه وياريت مش عايزه كلام جارح لان انا فيا اللي مكفيني بالله عليكم اللي عنده نصيحه ولا عاش تجربتي يقولي اعمل ايه لان انا قلبي اتكسر من جوزي كتيير وصعب عليا اتحمل كسره تانيه