مشكلة عضوه

مها فتحي

لكلا منا حياتة بداخلها لحظات فرح ولحظات حزن وفيها نتاج ما مررنا بية لسنوات
نعيش الحياة بكل فصولها وبكل تقلباتها وفينا من يتحكم فى مشكلة ويستطيع حلها ومنها من لا يستطيع أن يصل إلى الحل أو بداية الطريق لحل المشكلة ومن هنا تقدم جريدة وموقع نبض الوطن هذا الباب لكل قرائها نعرض المشكلة بكل شفافية ومصداقية ونحاول أن نصل إلى حل لصاحب المشكلة سواء من رأى الجمهور المتابعين أو حل من فقهاء أزهرين أو محامين أو دكاترة على حسب كل مشكلة تحتاج رأى طبيب أو محامى أو فقية دينى

بداية المشكلة 

انا زوجه لزوج مثالي جدا جميل ف كل شي حنون ومحترم وجدع وابن ناس ويعمل بمكان محترم ومركز كويس يعرف ربنا كويس وعمره ما جه عليا عندنا ٥اولاد والحمدلله بحكم شغلي واللي انا مصممه اني اكمل فيه دائما مقصره في بيتي وبرجع من شغلي يدوب اجهز اكل او نجيب من برا وانام من بعد العشاء انا الحمدلله شكلا جميله وبنت ناس بس من فتره جوزي اتعرف علي بنت وحبها جدا وفي نفس الوقت بيحبني جدا ومتغيرش معايا في شي ابدا ولا عمره هيتغيير لانه بيخاف ربنا جدا ولكن هو حابب ميضحكش ولا يغدر علي بنت الناس دي ويتجوزها وبيشكر فيها جدا جدا وسألت عنها طلعت انسانه كويسه ومحترمه انا كأي ست أوقات احس بغيره وأوقات لا لاني متاكده منه جدا هو أجا واتكلم معايا بكل صراحه قالي انا بحبك ومتغيرش في قلبي من ناحيتك حاجه نهائي لكن ربنا وضع محبه البنت دي في قلبي وللأسف مقدرش اغدر بيها لانها حد مشوفتش منه غير كل خير وحابب اتزوجها علي سنه الله ورسوله هو شغله في المينا في بورسعيد
بيروح تلات ايام ويجي تلاته قالي زي ما انا معاكم التلات ايام لاني غصب عني مش عارفه اسيب شغلي واروح معاه بور سعيد وهو زهق معانا في النقطه دي انا بحق الله مرتاحه للبنت لاني اعرفها بس مش عارفه اعمل ايه جوزي عمره ما زعلني واول مره احس ان في حاجه هتكسره كدا انا عارفه أنه شرع ربنا وهو جاء يستأذني والبنت بحق الله محترمه تنصحوني بأيه؟